lkjfs

skítaurin þinn. higndu í mig djöfulllinn þinn. ég er aðærast.

áhyggjufull

Helgi minn. Ég er svo hrædd um þig. Komdu nú heim. Ég lofa að vera ekkert að nuða í þér og ég skal lofa að reykja bara úti á svölum. Ég veit ekki hvað ég á að segja. Ég veit að ég var sein að ná í þig og ég hef ekkert verið í sambandi við þig síðustu vikurnar. Ég er bara búin að vera mjög upptekin í mínu. En íbúðin er svo tómleg núna þegar þú átt að vera kominn. Sokkarnir þínir eiga að liggja við rúmgaflinn og ég á að verða svolítið fúl yfir því en taka þá upp af því að ég vil ekki að þú haldir að ég sé pirruð, og mjólkurfernan ætti að vera tóm í ísskápnum eftir þig en hún er full, ekki búið að opna hana, enginn búinn að drekka beint af fernunni, engin rollingsstóns í spilaranum. Bara þögn. ægileg þögn. 

Ég klippti mig meira að segja áðan. Fer mér mjög vel. Soldið styttra en ég ætlaði og ég vona að þú verðir ekki reiður en þótt ég segi sjálf frá þá fer þetta mér bara mjög vel. Búin að hræra í bananabrauð og taka til sloppinn þinn með mýkingarefni í og allt tilbúið til að við getum verið glöð saman í þessa daga sem þú átt í landi. 

Þín Nína

Helgi týndur

Fór að taka móti Helga niðrá höfn. Beið og beið. Ármann félagi hans labbaði til mín og sagði mér að Helgi hafi verið þarna stuttu áður, hafi ekki nennt að bíða. Ég fékk að fara um borð og athuga með hann. Helgi hvergi sjáanlegur. Svo ég fór bara aftur heim. 

(kannski bara gott, átti eftir að þrífa. Kom mér ekki í það áður en þeir löggðu að.)

Þið sem lesið þetta, ef þið sjáið hann Helga minn einhverstaðar, viljiði biðja hann að hringja í hana Nínu sína. Hún er að verða hrædd um karlinn sinn. 

Ætla nú ekkert að hafa þetta lengra í bili. 

Rótaði soldið til í geymslunni til að enginn fatti að ég hafi verið þarna niðri svona lengi. 

Kv. Nína hressa komin með skúringargræjurnar fram. Gott hjá mér. 

BARA AÐ LÁTA VITA AÐ ÞAÐ ER ALLT Í LAGI.

SKAUST BARA UPP Í SMÁSTUND TIL AÐ NÁ Í VISTIR OG LÁTA VITA AÐ ÉG ER Á LÍFI OG BARA SÉRLEGA HRESS. ER NEFNILEGA EKKI MEÐ NETTENGINGU ÞARNA NIÐRI Í KOMPU SVO ÉG VERÐ AÐ KOMA UPP TIL AÐ SKRIFA HÉRNA TIL YKKAR. 

VAR BÚINN AÐ GREYMA AÐ ÉG VAR MEÐ FISK TILBÚINN Á PÖNNUNA Á DISKI Í ÍSSKÁPNUM. STELPUR, EKKI HUGSA MIKIÐ ÚT Í LYGTINA. MÉR VARÐ SVO ÓGLATT ÞEGAR ÉG OPNAÐI ÍSSKÁPINN AÐ ÉG KASTAÐI NÆSTUM UPP. NÆSTUM. EKKI ALVEG. ENDA MEÐ MIKILL ÓGLEÐISÞRÖSKULD. ÞAÐ KEMUR AF ÞVÍ AÐ HAFA UNNIÐ VIÐ UMÖNNUM GAMALMENNA OG HAFA ALIÐ UPP EYRNA- OG MAGABARN. 

KIDDI MINN. ÉG SÁ AÐ ÞÚ HRINGDIR LOKSINS. GLEYMDI HLEÐSLUTÆKINU HÉRNA UPPI SVO AÐ SÍMINN MINN VAR DAUÐUR Í GÆR ÞEGAR ÉG SOFNAÐI NIÐRI. ÉG LÆT ÞETTA EKKI KOMA FYRIR AFTUR. ER LÍKA INNEIGNARLAUS. ER EKKI ALVEG Í SKAPI TIL AÐ FARA ÚT Í SJOPPU OG KAUPA INNEIGN SVO ÞÚ SÉRÐ ÞAÐ VONANDI BARA HÉRNA AÐ ÉG ER SVAKA HRESS. EKKERT AÐ OG ÞÚ ÞARFT EKKERT AÐ HUGSA UM MIG. BARA VERA GLAÐUR Í ÞÍNU. 

NÚ ER SÚ GAMLA KOMIN SMÁ MEÐ Í BAKIÐ. ÞAÐ ER HELVÍTIS SÓLSTÓLLINN. BÚINN AÐ SOFA AÐEINS OG MARGAR NÆTUR Í HONUM. SVO STYNGAST ÁLSTANGIRNAR INN Á MILLI RIFBEINANNA ÞEGAR MAÐUR BILTIR SÉR. ÉG ÆTLA AÐ TAKA DÝNUNA MEÐ MÉR NIÐUR. 

FANN GAMLAN SAXBAUTALAGER Í ÚTLEGUKASSANUM HANS HELGA. ÉG VAR HREILEGA BÚINN AÐ GLEYMA ÞVÍ HVAÐ ÞETTA ER MIKILL HERRAMANNSMATUR. LÍKA SVONA KALDUR. 

ÆTLA AÐ TAKA MEÐ  MÉR HNÍFAPÖR OG NOKKRAR SÉRVÉTTUR. ÞAÐ DUGAR EKKI AÐ BORÐA SVONA MEÐ FINGRUNUM NEMA MAÐUR SÉ AÐ BORÐA FULGAKJÖT. HITT ER BARA VILLIMANNSLEGT. 

JÆJA, ROSA HRESS NÍNA BÚIN AÐ MINNA Á SIG. 

KIDDI MINN OG STELPUR LÍKA. VERIÐ EKKERT AÐ HAFA SAMBAND VIÐ MIG FYRR EN EFTIR NÆSTU HELGI, ÞÁ VERÐUR HELGI KOMIN Í LAND OG VIÐ KANNSKI SLÁUM UPP GRILLVEISLU Á SVÖLUNUM. HA? ÓKEI ÞÁ. SJÁUMST OG HAFIÐI ÞAÐ NÚ SEM ALLRA BEST OG VONANDI ER ENGINN VEIKUR EÐA ÓHRESS. 

KÆR KVEÐJA. 

NÍNA. 

helgi að koma heim

Helgi er á leiðinni í land og ég er að reyna að fá mig til að þrífa aðeins í kringum mig. Hef verið mikið niðrí kompu upp á síðkastið. Minnir mig svolítið á búið sem ég átti þegar ég var lítil í sveitinni. Tók með mér útvarp og notast við sólstólana og garðborðið. Alveg gasalega kósí. Hringdi svo í yndislega drenginn á bylgjunni um daginn, þennan sem söng "fór á puttanum" og var að útskýra fyrir honum hvað þetta var indælt hjá mér hérna niðri eftir að ég henti öllu. Hann var svona líka uppnuminn. Soldið þungt loft þegar ég vaknaði í morgun, sofnaði óvart í gærkvöldi þarna niðri eftir kósíkvöld með sjálfri mér og símanum. Ég var búin að gleyma hvað það er gott að vera svona í myrkrinu. Ég ruglast alltaf alveg þegar það fer að birta svona. Þó að það sé auðvitað gott fyrir grasið og rollurnar og allt það þá á ekki þessi birta við mig. 

Meðmælin í þessum pistli mínum eru þau að fólk fái sér svona myrkurgardínur í svefnhebergin. Þau fást í Rúmfatalagernum og eru algjört lífsnauðsin. Er sjálf ekki búin að fá mér af því að hann Markús á lagernum í skeifu-búðinni ætlar að redda mér gölluðu eintaki, hann segir að það sé alltaf að minnsta kosti 10 % af vörunum gallaðar og við þurfum bara að bíða eftir því að einhver skili og þá fæ ég afsláttinn sem hann er búinn að lofa mér. 20% sem er starfsmannaafslátturinn hans og svo örugglega annað eins fyrir gallaða vöru. 

Verð bara hérna niðri þangað til hann hringir. Það er ekki líft í svefnherberginu með svona stóra glugga. 

Annars  sé ég svolítið eftir að hafa hent öllu draslinu núna því það er ekki mikið að gera þarna niðri nema að hlusta á útvarpið og tala í símann, eða þ.e. að segja að bíða eftir því að strákarnir á bylgjunni svari. Ég hefði getað skoðar gamlar einkunnir frá honum Kidda mínum eða eitthvað álíka, en það hefði nú eflaust bara verið til að gera mig enn þunglyndari. Er að reyna að hætta að blanda saman tegundum, ef þið skiljið hvað ég á við. 

Held að það sé nauðsynlegt áður en ég fer að taka lyfin mín aftur. Veit að ég get ekki verið að blanda svona saman öllu í maganum á mér ef ég ætla að fara á lyfin aftur. Bara að reyna þangað til það heppnast. Sakar ekki að reyna. 

Ég vildi að Helgi væri kominn aftur. Mér er alveg sama þótt að birtan ætli allt að éta hérna þegar hann er í landi. Það er að minnsta kosti einhvern að tala við á meðan. 

Ælta að raka á mér fótleggina á morgun. Ef ég kem mér til þess. Og ef ég finn rakgræjurnar. Orðið svolítið langt síðan síðast. Verð að vera sæt fyrir Helga. Annars verður hann ekki hress. 

Guði sé lof fyrir það samt að hann er ekki nema í viku í landi. Ég gæti ekki umborið það að vera alltaf að hafa mig til án þess að fá að taka svolitlar pásur inn á milli. 

En, ég er alla veganna hress. Ætla að fara með nokkra bjóra niður í kompu. Búinn að finna svona lampa með SPARperu í út útilegukassanum hans Helga sem ég get notað. Kannski les ég eitthvað. 

Vona að þessi Guðni Már Hannesson sé ekki í útvarpinu í kvöld. Hann spilar alltaf svo skrítna tónlist. Svo er hann líka dónapungur þegar maður hringir. Mig langaði að lemja hann í gegnum símann, var í miðri setningu og hann bara... Það er víst kominn tími á lag. eitthvað leiðina lag. og svo skellti hann á mig. það eru peningarnir mínir sem borga launin hjá þessum durgi og svo kann þetta lið ekki einu sinni að vera kurteist. 

Ef ég nenni á morgun þá skrifa ég bréf. Bara til yfirmanns hans. skamm skamm skamm. 

farin í kompuna. 

komið nóg af þessum ósóma.

ÉG TILLI MÉR NIÐUR OG HORFI Á FRÉTTIRNAR. EINHVER LÆKNANEMI SEM ER BÚINN AÐ VERA Í VINNUNNI Í 3 DAGA ÁN ÞESS AÐ SOFA HEFUR EITRAÐ ER FYRIR KONU MEÐ LIFRARBÓLGU OG ENGINN ER ÁBYRGUR. LITLIR KARLAR OG KERLINGAR FASTIR Í RUSTUM ÚTI Í HEIMI OG ÖSKRA Í MYNDAVÉLARNAR OG DEYJA SVO Í BEINNI ÚTSENDINGU OG BLÓÐ ÚT UM ALLT OG SVO TIL AÐ KÓRÓNA ALLT SAMAN PÍNULÍTIL KERLING MEÐ EITTHVAÐ FAST Í KOKINU EINS OG DANI AÐ TALA ENSKU AÐ TALA UM KYNLÍF EFTIR FIMMTUGT Í SJÓNVARPINU. 

MÉR SKIST AÐ ÞESSI DOKKTOR RUTH SÉR FRÆG OG MEGI ÞESS VEGNA TALA UM KYNLÍF FÓLKS. 

MITT KYNLÍF ER NÚ BARA MITT PRÍVAT MÁL OG HANS HELGA MÍNS. ÞETTA FÓLK HJÁ KASTLJÓSI VERÐUR AÐ GERA SÉR GREIN FYRIR ÞVÍ AÐ VIÐ SEM BORGUM LAUNIN ÞEIRRA VILJUM EKKI MEIRI ÓHAMINGJU OG ÓSÓMA. 

KYNLÍF OG STRÍÐ OG JARÐSKJÁLFTAR ERU FYRIR ÞESSAR FRÉTTIR SEM ENGINN HORFIR LENGUR Á NEMA FÓLK SEM ER ANNAÐ HVORT SVO JÁKVÆTT OG HAMINGJUSAMT AÐ ÞESSI HRÆÐILEGA VERÖLD NÆR EKKI AÐ SNERTA ÞAÐ, EÐA FÓLK SEM Á SVO BÁGT AÐ ÞAÐ FATTAR EKKI AÐ ÞAÐ ER EKKI Á ÞAÐ BÆTANDI MEÐ SVONA SJÓNVARPSÁHORFI. 

VIÐ HIN SEM EÐLILEG ERUM  KVEIKJUM ÞEGAR KASTLJÓSIÐ BYRJAR, (HELGI SELJAN ER NÁTTÚRULEGA SÉRLEGA FALLEGUR OG SKELEGGUR MAÐUR, FYRIR UTAN ÞAÐ AÐ HANN ER VÍST AÐ AUSTAN OG SVO ER HANN MEÐ TATTÚ OG KANN EINHVERNVEGINN ALLT UM ALLT). 

ALLA VEGANNA, ÞETTA ER FALLEGT FÓLK SEM SÉR UM ÞENNAN ÞÁTT OG ÞAU ERU ORÐIN VINIR OKKAR SEM HORFUM MIKIÐ Á SJÓNVARP EN ÞAÐ ER BARA EINS OG ÞAU SÉU BÆÐI ORÐIN ÆGILEGA BLÓÐÞYRST OG SOTLIR PERRAR UPP Á SÍÐKASTIÐ. ÞESSI FALLEGA STÚLKA SEM SPURÐI ÞENNAN AMERÍSKA SÉRFRÆÐING, DOKTOR RUTH, HENNI HEFUR EFLAUST EKKI LIÐIÐ VEL AÐ VERA AÐ OPINBERA KYNLÍFIÐ SITT FYRIR ALÞJÓÐ. ÞAÐ STENDUR ÖRUGGLEGA EKKERT UM ÞAÐ Í RÁÐNINGARSAMNINGNUM HENNAR. ÞAR STENDUR EKKI. ÞÚ ÞARFT AÐ TALA UM KYNLÍFIÐ ÞITT Í SJÓNVARPINU OG VERA TIL SKAMMAR FYRIR FJÖLSKYLDU ÞÍNA. MIKIÐ HVAÐ ÉG VORKENNI MÓÐUR HENNAR. MIKIÐ ER ÉG LÍKA FEGIN AÐ KIDDI MINN HEFUR EKKI VERIÐ AÐ OPINBERA KYNLÍFIÐ SITT FYRIR ÖLLUM. MÉR ÞÆTTI ÞAÐ EKKI GOTT AÐ VERA AÐ HORFA Á SJÓNVARPIÐ OG SVO KEMUR BARA KIDDI MINN, /HANN HEFUR STUNDUM KOMIÐ Í SJÓNVARPINU EFTIR AÐ HANN VARÐ SVONA FRÆGUR/ OG SVO FER HANN BARA AÐ SEGJA "VIÐ GERUM ÞAÐ SVONA OG HINSEGIN OG SVO Á ÉG SVO MARGA BÓLFÉLGA OG VIÐ ERUM ALLTAF AÐ RÍÐA, OG RÍÐA OG RÍÐA. ÞAÐ ER ÞETTA SEM ÉG HUGSA ÞEGAR FÓLKIÐ Í SJÓNVARPINU FER AÐ TALA UM KYNLÍF. ÉG FÉR AÐ ÍMYNDA MÉR ÞAÐ ALLSBERT Í ALLSKONAR STELLINGUM OG REKANDI UPP ÓHLJÓÐ OG VERÐA AFMYNDAÐ Í FRAMAN UM LEIÐ OG ÞAÐ BÍTUR Í RÚMSTOKKINN. ÉG GET ALVEG VERIÐ ÁN SVONA HUGSANA OG ÞAÐ ER YKKUR AÐ KENNA ÞARNA Í KASTLJÓSINU AÐ ÉG FER AÐ LEIÐA HUGANN AÐ SVONA. STUNDUM VILDI ÉG BARA ÓSKA AÐ ÉG VÆRI TRÚUÐ ÞVÍ ÞÁ MYNDI ÉG HUGSA UM GUÐ EÐA JESÚBARNIÐ TIL AÐ KOMA Í VEG FYRIR ÞETTA OG SVO MYNDI ÉG BIÐJA FYRIR FÓLKINU Í KASTLJÓSINU. ÉG VEIT EKKI HVORT FÓLKIÐ Í ÍSLANDI Í DAG ER EITTHVAÐ SKÁRRA AF ÞVÍ AÐ ÉG HORFI EKKI Á STÖÐ 2 AF ÞVÍ AÐ ÉG ER EKKI MEÐ STÖÐ 2 EN ÉG VONA AÐ FÓLKIÐ SEM ER AÐ BORGA SVONA MIKIÐ Í VIÐBÓT VIÐ OKKUR HIN SÉ AÐ BORGA FYRIR STÖÐ SEM SÉR SÓMA SINN Í AÐ VERA EKKI AÐ TROÐA KYNLÍFI SÍNU OG ANNARA UPP Á OKKUR ALSAKLAUST FÓLKIÐ Í LANDINU. TAKK FYRIR MIG. 

PS. ÉG VIL BARA TAKA ÞAÐ FRAM AÐ ÉG HUGSA EKKI OFT UM KYNLÍF.

KV. NÍNA. 

PS. 

EITT RÁÐ. HORFUM Á SÖNGLEIKJAMYNDIR. ÞAÐ ER EKKI NEITT KYNLÍF Í ÞEIM. 

OKLAHÓMA ER MÍN UPPÁHALDS.

GEYMSLAN HREIN.

ÁKVAÐ AÐ BÍÐA EKKI EFTIR NEINU, BARA ÆÐA Í HLUTINA. MERKILEGT HVAÐ ÞAÐ ER RÓANDI AÐ TAKA TIL Í GEYMSLUNNI. ÞETTA ER BARA HREINLEGA EINS OG ERNA VINKONA SEGIR. MAÐUR TEKUR TIL Í SÁLINNI ÞEGAR MAÐUR ÞRÍFUR Í KRINGUM SIG. BÚINN AÐ HENDA ÖLLU SEM ÉG NOTA EKKI AÐ MINNSTA KOSTI EINU SINNI Á ÁRI. MÆLI MEÐ ÞESSU. ÆTLA AÐ LÁTA HELGA MÁLA GEYMSLUNA ÞEGAR HANN KEMUR Í LAND. KANNSKI ÉG SKELLI MÉR Í BÚÐ OG FINNI VEGGFÓÐUR Á KOMPUNA. HÚN GÆTI ORÐIÐ AÐ HERBERGI EF ÉG SKIPULEGG DÓTIÐ SEM ER EFTIR VEL. ÞAÐ ER KANNSKI HÆGT AÐ LEIGJA EINHVERJUM ERLENDUM VINNUKRAFTI ÞETTA OG BÚA TIL STURTUAÐSTÖÐU Í ÞVOTTAHÚSINU. GÓÐ HUGMYND. FARIN Í BÍKÓ. 

helvítis martröð

GÓÐAN DAGINN ÖLL SÖMUL OG ÉG VONA SVO SANNARLEGA AÐ ÞIÐ HAFIÐ SOFIÐ BETUR EN ÉG. 

HELGI Á SJÓNUM OG ÉG EIN Í KOTINU. GÆRKVÖLDIÐ BYRJAÐI SVO SEM EKKI SEM ALLRA VERST. EIN HEIMA, KERTALJÓS OG KÓSÍ, HLUSTAÐI Á CELEN DÍJON OG PÍNU BARBÖRU STRÆSAND OG SVO HRINGIR HELVÍTIS SÍMINN OG ÞAÐ ER KIDDI. DRENGURINN BLANKUR EÐA EITTHVAÐ, MAN EKKI ALVEG HVAÐ HANN VAR AÐ RUGLA, ÞAÐ ER ALVEG ÓTRÚLEGT HVAÐ JAFN INDÆLL DRENGUR OG HANN KIDDI MINN GETUR HRINGT Á ÓÞOLANDI TÍMUM. MAÐUR SITUR Á SLOPPNUM, MEÐ MASKA OG KREM, Í SLOPPNUM OG ER AÐ NJÓTA ÞESS GÓÐA Í VERÖLDINNI,  OG SVO ER EKKI EINU SINNI FRIÐUR TIL AÐ FÁ SÉR HVÍTVÍNSGLAS ÁN ÞESS AÐ HANN HRINGI. ÉG HELTI SVOLEIÐIS YFIR SLOPPINN OG Á BRINGUNA Á MÉR OG ÞURFTI NÁTTÚRULEGA AÐ FARA AFTUR Í STURTU, KREMIÐ OG MASKINN FARINN TIL SPILLIS. SVO BÖLVAÐI ÉG MIG Í SVEFN. 

KIDDI MINN. EF ÞÚ LEST ÞETTA, REYNDU ÞÁ AÐ HRINGJA EKKI Í ALDRAÐA MÓÐUR ÞÍNA NEMA Á KRISTILEGUM TÍMA. HVAÐ SEM ÞAÐ ER SEM ÞÚ VILT MÉR GETUR ÞAÐ BEÐIÐ TIL MORGUNS. ÞAR AÐ AUKI MINNI ÉG ÞIG Á AÐ ÞÚ SAGÐIR AÐ ÞÚ VÆRIR Í PÁSU FRÁ MÉR, (HVERNIG SEM ÞÉR HELDUR AÐ MÉR LÍÐI MEÐ ÞAÐ) OG AÐ ÞÚ ÆTLAÐIR EKKI AÐ TALA VIÐ MIG. TALA VIÐ ÞIG? ÞÚ SVARAR MÉR ALDREI DRENGUR. REYNDU AÐ TAKA ÞIG TIL Í ANDLITINU OG NÁ Í DRASLIÐ ÚT KOMPUNNI ÁÐUR EN ÉG HENDI ÞVÍ. ERTU TIL Í ÞAÐ. ÞÁ GETUM VIÐ FARIÐ AÐ TALA SAMAN. 

HELGI KEMUR Í LAND Á FÖSTUDAGINN OG ÉG SENDI HANN NIÐUR AÐ GRISJA ÞETTA DRASL ÞITT ÚR MYNDLISTINNI, EÐA HÖNNUNINNI EÐA HVAÐ SEM ÞETTA ER STRAX OG HANN KEMUR Í LAND. ÞETTA FER Í SORPIÐ. BEINA LEIÐ. 

VEISTU HVAÐ ÞETTA OLLI SVO EFTIR ALLT SAMAN. ÉG FÉKK MARTRÖÐ. VAKNAÐI MEÐ ANDFÆLUM Í SÓFANUM EFTIR AÐ HAFA DOTTAÐ OG ER ENN HRÆDD. EINHVER ÓGEÐSLEGUR MAÐUR MEÐ SKAUFA SVO STRÓRAN AÐ HANN ÞURFTI AÐ HALDA Á HONUM EINS OG HLIÐARTÖSKU ER AÐ ELTA MIG YFIR ELLIÐAVATNIÐ (FROSIÐ) OG SVO SVEIFLAR HANN DELANUM OG MUNDAR EINS OG KÚREKI MEÐ SNÖRU OG KASTAR Í ÁTTINA TIL MÍN OG ÉG ÖSKRA OG... ÞETTA ER EKKI NEIN LEIÐ TIL AÐ VAKNA. ÉG ER ALSAKLAUS KONA OG BIÐ ÞIG AÐ VIRÐA ÞAÐ OG VERA EKKI AÐ HRINGJA SVONA SEINT OG KOMA AF STAÐ EINHVERJUM MARTRÖÐUM SEM ENGINN HVÍTUR MAÐUR Á SKILIÐ. SKILURÐU ÞAÐ. 

EF ÞÚ VILT KOMA TIL MÍN EINHVERJUM SKILABOÐUM GETURÐU LÁTIÐ KRISTÍNU VINKONU ÞÍNA HRINGJA Í MIG. EF HÚN HEFUR EKKI SAMBAND FARA KASSARNIR ÞÍNIR Í TUNNUNA. 

KV. ÞÍN MAMMA. 

PS. STELPUR, MUNIÐI ÞETTA MEÐ BÚSTAÐINN. VIÐ VERÐUM AÐ ÁKVEÐA SKIPULAGSFUND Á NÆSTUNNI. SÆLAR ELSKURNAR. 

FER AÐ LÍÐA AÐ STÓR AFMÆLI.

TÍMAMÓT FRAMUNDAN. KELLINGIN AÐ VERÐA SEXTUG. HVAÐ Á AÐ GERA? Á AÐ HALDA UPP Á SVONA OG HALDA ÞVÍ FRAM AÐ ÞETTA SÉU TÍMAMÓT EÐA Á AÐ REYNA AÐ GLEYMA HERLEGHEITUNUM?

ÞAÐ ER MÍN REYNSLA OG NÚ TALA ÉG AF REYNSLU ÞVÍ ALLAR VINKONURNAR ERU BÚNAR AÐ LENDA Í ÞESSU, ÞESSU SEXTUGSAFMÆLISVESENI, AÐ.. ÉG MEINA MÍN REYNSLA ER SÚ AÐ ÞARF AÐ TAKA ALVARLEGA AFSTÖÐU Í ÞESSUM MÁLUM. 

ÞAÐ ER Í ALVÖRU HÆGT AÐ SKJÓTAST TIL KANARÍ OG LÁTA SEM EKKERT Í SKORIST. KANNSKI GLEYMA FLESTIR ÞESSU OG ÞEGAR ÉG KEM HEIM ER ÞAÐ KANNSKI BARA NÁNASTI HRINGUR SEM HRINGIR MEÐ HAMINGJUÓSKIR. 

ÉG HELD SAMT OG ÞÁ TALA ÉG AFTUR AF REYNLSU AÐ ÞEGAR STELPURNAR HRINGJA OG ÓSKA MÉR TIL HAMINGJU VERÐA ÞÆR BARA AÐ ATHUGA HVORT ÞAÐ TAKI Á AÐ HEYRA ORÐIÐ ÆGILEGA " SEXTUG". ÉG GERI ÞAÐ ALLA VEGANNA EF ÉG Á AÐ VERA ALVEG EINLÆG OG ÉG ER BÚIN AÐ SETJA MÉR ÞAÐ FYRIR AÐ VERA ALLTAF EINLÆG Í ÞESSUM SKRIFTUM MÍNUM HÉRNA Á NETINU. 

HINN KOSTURINN SEM ÉG ER AÐ TALA UM ER KANNSKI BETRI. KOSTURINN AÐ HALDA AFMÆLI MEÐ POMPI OG PRAGT OG BJÓÐA ÖLLU LIÐINU. HELST TEL ÉG NÁTTÚRULEGA AÐ ÞAÐ MYNDI GLEÐJA HANN KIDDA MINN. HANN ER SVO MIKIÐ AFMÆLISBARN. ÉG VEIT EKKI HVORT ÉG GÆTI GERT HONUM ÞAÐ AÐ HALDA EKKI UPP Á AFMÆLIÐ. HANN ER NÚ SAMT BÚINN AÐ LÁTA Í ÞAÐ SKÍNA AÐ HANN ÆTLI AÐ BJÓÐA MÉR EITTHVAÐ ÚT FYRIR LANDSSTEINANA Í TILEFNI DAGSINS. EN ÉG SEGI BARA "KIDDI MINN, VERTU EKKERT AÐ FARA ÚR VEGI ÞÍNUM FYRIR HANA MÖMMU ÞÍNA, ÞAÐ VERÐUR GAMAN HVORT HELDUR SEM VIÐ VERÐUM HÉRNA HEIMA Í RIGNINGU OG ROKI EÐA Í DÁSAMLEGRI SÓLINNI". 

STELPUR ÞIÐ VITIÐ HVERNIG HANN KIDDI ER. ALLTAF AÐ HUGSA UM MÖMMU SÍNA. 

EN ÉG HELD BARA AÐ ÉG VERÐI MEÐ KALT BORÐ OG KANNSKI BOLLU. 

EF HELGI ER Í LANDI ÞÁ GERUM VIÐ KANNSKI ÚR ÞESSU ALVÖRU PARTÝ HÉNRA Í ÁRBÆNUM. EKKI ÓFÁ BOÐIN SEM HAFA SLEGIÐ Í GEGN Í LITLU KITRUNNI OKKAR HELGA Í GEGNUM ÁRIN. 

ÉG ER SAMT EKKI ALVEG BÚIN AÐ ÁKVEÐA MIG. 

STELPUR ÞIÐ MEGIÐ ENDILEGA LÁTA MIG VITA HVAÐ YKKUR FINNST. 

OG EF BOÐIÐ VERÐUR OFAN Á ÞÁ AUGLÝSI ÉG HÉR MEÐ EFTIR EINHVERJUM NÝSTÁRLEGUM UPPSKRIFTUM SEM VÆRI GAMAN AÐ PRUFA Í TILEFNI DAGSINS. 

INNILEGAR KVEÐJUR FRÁ MÉR, SVOLÍTIÐ RÁÐVILLTRI SVONA FYRIR STÓRA DAGINN. 

sæl öll sömul.

Jæja, ég get víst ekki verið eftirbáti sonarins og ungdómsins. Nú er ég loksins orðin nútímamanneskja og ætla að reyna að tjá mig hérna á netinu á næstunni. 

Alltaf gaman að prufa eitthvað nýtt. En ég veit ekki alveg hvað ég á að segja svona í fyrstu. 

Bíðið aðeins. Ætla að ná mér í hvítvínsglas og sjá hvort það eykur ekki á frjóleikann í gömlu sellunum. 

Komin aftur. 

Sígó og hvítvínsglas eru ótrúleg þegar kemur að því að losa um hömlur. Mæli með því. 

Datt í hug að segja ykkur frá atviki sem ég lenti í fyrir skemmstu. Er á leiðinni niðrá tryggingastofnun til að greiða úr smá flækjum, og ákveð að taka strætó. (Frekar en leigubíl, þið skiljið) Það er nú einu sinni komin kreppa. Þeir segja það alla veganna. 

Nú nema hvað. Ég er þarna í strætó og það koma þarna einhverjir unglingar með læti og kjaft eins og venjulega, það er þess vegna sem ég tek aldrei strætó; allt of mikil læti fyrir mig. Hvað sem því líður þá bið ég ormana að lækka aðeins niður í sér. Þarna er kona af erlendu bergi brotin með barnavagn og örugglega lítill nýbúi að reyna að sofa í vagninum og ég fann að ég þurfti nú að reyna að lækka niður í unglingunum sem ætluðu ekki að virða annað fólk frekar en fyrri daginn, og viti menn. Þeir gáfu mér fingurinn. FINGURINN. Ég er er þarna alsaklaus kona á besta aldri, held því samt fyrir utan þessa ...

Ætla að ná í annan sígópakka. Bíðiði aðeins. 

Komin. búin að setja Björgvin á og allt. Þetta er bara gaman. ha?

Hvar var ég???

Já, í stætó og þeir bara ota fingrinum framan í mig og halda svo áfram að hlæja og láta öllum illum látum. Ég bara segi aftur og enn, eins og ég hef gert fram að þessu... þessir ólátabelgir eiga bara að vera bannaðir í strætó. Geta foreldrar ekki bara haldið svona skrímslum heima fyrir. 

Verdum friðinn í strætó. 

Kv. Nína Hressa.